თელავის რაიონულმა სასამართლომ 16 დეკემბერს ველისციხის ინციდენტის მონაწილე ქეთევან მირიანაშვილის საქმე განიხილა.
მხარეებმა დღევანდელ წინა სასამართლო სხდომაზე მტკიცებულებების დასაშვებობაზე იმსჯელეს.
მოსამართლე მამუკა წიკლაურმა დაცვის მხარის შუამდგომლობა დააკმაყოფილა და ბრალდების მხარის მიერ წარმოდგენილი მტკიცებულებათა სია სადავოდ ცნო.
ქეთევან მირიანაშვილი წარდგენილ ბრალს უსაფუძვლოს უწოდებს და თავს უდანაშაულოდ მიიჩნევს.
შეგახსენებთ, რომ 22 დეკემბერს მოსამართლე ნუნუ ნემსიწვერიძემ ბრალდებული აღკვეთის ღონისძიების სახით 3500 ლარის სანაცვლოდ გაათავისუფლა.
შინაგან საქმეთა სამინისტრომ თავდაპირველად გამოძიება 187-ე მუხლით დაიწყო, თუმცა მოგვიანებით მუხლი გადაკვალიფიცირდა და 353-ე პრიმა მუხლის პირველი ნაწილით დაიწყო, რაც პოლიციელზე ძალადობას გულისხმობს. მორიგი სასამართლო სხდომა 2019 წლის 14 თებერვალს, 14:00 საათზე ჩაინიშნა.