ირაკლი პეტრიაშვილი აშშ-ს ელჩის მოვალეობის შემსრულებელს შეხვდა

პროფკავშირების ხელმძღვანელი, ირაკლი პეტრიაშვილი ამერიკის შეერთებული შტატების ელჩის მოვალეობის შემსრულებელს როს უილსონს შეხვდა.

როგორც „ინტერპრესნიუსს“ პროფკავშირების პრესსამსახურიდან აცნობეს, შეხვედრაზე მსჯელობა შეეხო პროფკავშირებისთვის მტკივნეულ და მნიშვნელოვან საკითხებს, მათ შორის საპენსიო რეფორმას, უმუშევრობის შემწეობას, სოციალური დიალოგის დაბალ დონეს და დასაქმებულთა უფლებებს.

მათივე ცნობით, შეხვედრაზე განიხილეს ასევე პროფკავშირების პოლიტიკური აქტივობებიც.

შეხვედრა აშშ-ს საელჩოში შედგა.