სოსო ბარათაშვილი - დაუშვებელია,  უსამართლობისა და უკანონობის ჩამდენი მოსამართლეების სისტემის მსხვერპლად გამოცხადება და მათი უზენაეს სასამართლოში განმწესება

დაუშვებელია, უსამართლობისა და უკანონობის ჩამდენ მოსამართლეთა სისტემის მსხვერპლად გამოცხადება, მათი განმწესება უზენაეს სასამართლოში, რაზეც სერიოზული პრობლემებია შექმნილი იუსტიციის უმაღლეს საბჭოში, - ამის შესახებ უზენაეს სასამართლოსთან საინიციატივო ჯგუფის მიერ გამართულ აქციაზე, ადვოკატმა სოსო ბარათაშვილმა ჟურნალისტებს განუცხადა.

მისი თქმით, სასამართლო სისტემის გარშემო შექმნილი ვითარება აზიანებს, როგორც მართლმსაჯულების სისტემას, ისე საზოგადოებას.

„შეშფოთებული ვარ იმ ვითარებით, რომელიც სასამართლო სისტემაში დღეს არის შექმნილი. ყველაფერს რომ თავი დავანებოთ, უზენაესი სასამართლოს სისხლის საქმეთა პალატაში დარჩენილია ორი მოსამართლე. ამ პალატას ათასობით საქმე აქვს განსახილველი, რომლის მუშაობაც, ფაქტობრივად, სრულიად პარალიზებულია. სასამართლოები საქმეებით არის გადაჭედილი, განსაკუთრებით თბილისის საქალაქო სასამართლო და სააპელაციო სასამართლო. დარღვეულია ყოველგვარი ვადები. ფაქტობრივად, ეს ქმნის უსამართლობის განცდას. ბოლო წლებში, არაერთი საქმე მქონია, როდესაც ვიგრძენი, რომ ხელისუფლება შედეგით აქტიურად იყო დაინტერესებული. გახმაურებული საქმეები, მაგალითად ე.წ. კაბელების საქმე, ასევე საქმეები, რომელიც ეხებოდა მსხვილ ბიზნეს-ინტერესებს და ა.შ. ანუ არსებობს, გარკვეული სფერო, რომელსაც აკონტროლებს ხელისუფლება და სურვილი აქვს, რომ ეს სფერო თავისი გავლენის ქვეშ დაიტოვოს. ეს არის კატეგორიულად დაუშვებელი, ისევე როგორც დაუშვებელია უსამართლობისა და უკანონობის ჩამდენი მოსამართლეთა სისტემის მსხვერპლად გამოცხადება, მათი განმწესება უზენაეს სასამართლოში, რაზეც სერიოზული პრობლემებია შექმნილი იუსტიციის უმაღლეს საბჭოში. ეს ყველაფერი არის ის, რაც აზარალებს მართლმსაჯულებას და ზოგადად, საზოგადოებას“, - განაცხადა სოსო ბარათაშვილმა.

უზენაეს სასამართლოსთან დღეს საინიციატივო ჯგუფი შეიკრიბა, რომელთაც სასამართლო სისტემაში არსებული პრობლემების მოგვარების მიზნით საზოგადოებას მოთხოვნები გააცნეს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს