გარემოს დაცვისა და სოფლის მეურნეობის სამინისტრო თხილის  დაცვის პროგრამაზე დარგის წარმომადგენლებთან ერთად მუშაობს

გარემოს დაცვისა და სოფლის მეურნეობის სამინისტრო თხილის კულტურის დაცვის კომპლექსურ პროგრამაზე, მეთხილეობის დარგის წარმომადგენლებთან ერთად, მიმდინარე წლის დასაწყისიდან აქტიურად მუშაობს. ამის შესახებ „ინტერპრესნიუსს“ სურსათის ეროვნული სააგენტოდან აცნობეს.

„ამ მიზნით მუდმივად იმართება შეხვედრები მცენარეთა დაცვის სპეციალისტებთან და დარგის წარმომადგენლებთან. ღონისძიებების დაგეგმვასა და განხორციელების პროცესში სახელმწიფოსთან ერთად დარგობრივი ასოციაციები და ფერმერები მონაწილეობენ. თხილის მავნებლებისა და სხვა სოკოვანი დაავადებებისგან დაცვის მიზნით, დაგეგმილია მასშტაბური საკონსულტაციო სამუშაოების ჩატარება, მათ შორის, ფერმერების ინფორმირებულობის გაზრდა, რათა მათ დროულად განახორციელონ საჭირო აგროღონისძიებები და თავიდან აიცილონ თხილის მოსავლის დაზიანება.

თხილის სექტორში არსებულ გამოწვევებსა და მათი გადაჭრის გზებს განიხილავენ საქართველოს თხილის მწარმოებელთა ასოციაციის (GHGA-ის) მე-3 კონფერენციაზე, რომელიც 11 თებერვალს, ზუგდიდში გაიმართება. კონფერენციას გარემოს დაცვისა და სოფლის მეურნეობის მინისტრი ლევან დავითაშვილი დაესწრება. შეხვედრაზე, წარმოდგენილი იქნება სახელმწიფოს ხედვა თხილის კულტურის დაცვისა და დარგის განვითარების შესახებ“, - აღნიშნულია ინფორმაციაში.

კონფერენციას მცირე ფერმერები, თხილის მსხვილი მწარმოებლები, კომპანია „აგრიჯორჯია/ფერერო“, ექსპორტიორები, რეგიონების სახელმწიფო რწმუნებულები და საერთაშორისო ორგანიზაციები დაესწრებიან.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს