ბიძინა ივანიშვილს შენიშვნა არავისთვის მიუცია, მან ძალიან გახსნილად და ადამიანურად განიხილა სახელმწიფოებრივად მნიშვნელოვანი საკითხები, - ამის შესახებ „ინტერპრესნიუსს" იურიდიულ საკითხთა კომიტეტის თავმჯდომარემ, ანრი ოხანაშვილმა განუცხადა.
როგორც ოხანაშვილმა აღნიშნა, მისთვის და გუნდისთვის მნიშვნელოვანია გუნდურობის პრინციპით მუშაობა.
„ბიძინა ივანიშვილის მხრიდან იყო მსჯელობები, ყველაფერზე საჯაროდ არ ვსაუბრობ. მას შენიშვნები არავისთვის მიუცია, მან ძალიან გახსნილად და ადამიანურად განიხილა სახელმწიფოებრივად მნიშვნელოვანი საკითხები.
გუნდი არის მნიშვნელოვანი, გუნდურობა პრინციპულად მნიშვნელოვანია და თითოეულ წევრს დიდი მნიშვნელობა აქვს. გამომდინარე აქედან, ჩვენთვის და გუნდისთვის მნიშვნელოვანია, გუნდურობის პრინციპის დაცვით მოვიპოვოთ კიდევ ბევრი გამარჯვება", - განაცხადა ანრი ოხანაშვილმა.