საქართველოს პრეზიდენტი სალომე ზურაბიშვილი ამერიკის ელჩის მოვალეობის შემსრულებელ როს უილსონს შეხვდა.
როგორც „ინტერპრესნიუსს“ პრეზიდენტის ადმინისტრაციიდან აცნობეს, შეხვედრაზე განიხილეს საქართველოსა და ამერიკის შეერთებული შტატების ურთიერთობის საკითხები, როგორც ორმხრივ, ასევე მრავალმხრივ ფორმატებში.
მათივე ინფორმაციით, შეხვედრაზე ხაზგასმით აღინიშნა საქართველოსა და ამერიკის შეერთებულ შტატებს შორის არსებული სტრატეგიული ურთიერთობების განვითარების პერსპექტივები და გამოითქვა მზაობა თანამშრომლობის გაღრმავებისათვის.
შეხვედრას ესწრებოდნენ: საქართველოს პრეზიდენტის ადმინისტრაციის უფროსი ლაშა ჟვანია და ადმინისტრაციის უფროსის პირველი მოადგილე ქეთევან მახარაშვილი.