სტამბოლში მომხდარი ნგრევის შედეგად საქართველოს მოქალაქეების დაღუპვის ან დაშავების შესახებ ინფორმაცია ამ დრომდე არ ვრცელდება

სტამბოლში მომხდარი ნგრევის შედეგად საქართველოს მოქალაქეების დაღუპვის ან დაშავების შესახებ ინფორმაცია თურქეთში საქართველოს საკონსულოში ამ დრომდე არ შესულა. ამის შესახებ „ინტერპრესნიუსს“ საგარეო საქმეთა სამინისტროში განუცხადეს.

თურქეთში, ქალაქ სტამბოლის ერთ-ერთ უბანში 6-სართულიანი საცხოვრებელი სახლი ჩამოინგრა. ადგილზე სამაშველო და სამედიცინო სამსახურები მუშაობენ. როგორც თურქული მედია იუწყება, მაშველებმა ოპერაცია დაიწყეს. ნანგრევებში შესაძლოა, ხალხი იყოს მოყოლილი. საცხოვრებელი სახლის ჩამონგრევის მიზეზები ჯერ უცნობია.