გარკვეულმა ჯგუფმა, განსაკუთრებით მას შემდეგ, რაც ნინო გვენეტაძე გააგდეს, ივანიშვილი დაარწმუნა, რომ მურუსიძე არის ლიდერი. ერთ-ერთი ასეთია დავით ბაქრაძე, რომლის უკან დგას გიგა ბოკერია, - ამის შესახებ "პალიტრანიუსის" გადაცემაში "360 გრადუსი" ადვოკატმა შალვა ხაჭაპურიძემ განაცხადა.

მისი თქმით, ივანიშვილსა და "ევროპულ საქართველოს" ლიდერებს შორის ფარული გარიგებაა და ის სწორედ მათ პოზიციებს იზიარებს. ადვოკატის მტკიცებით, ამაზე ინფორმირებულია „ოცნების“ დეპუტატთა ნაწილი, რომლებიც ამაზე ხმამაღლა ვერ საუბრობენ.

„დავით ბაქრაძეს ინტენსიური შეხვედრები აქვს ბიძინა ივანიშვილთან. ეს ადამიანი ივანიშვილს უნდოდა პრეზიდენტად და გათვლაც კი არ ჰქონდა სალომე ზურაბიშვილი თუ გავიდოდა პრეზიდენტად, ამიტომ იყო ბიძინა ივანიშვილის არანორმალური სახით ჩატარებული პრესკონფერენცია, როდესაც მეორე ტურში ვაშაძე და ზურაბიშვილი გავიდნენ. ამიტომ იყო სალომე ზურაბიშვილი გაუგებარ მდგომარეობაში რომ დადიოდა ერთი კვირა, პირველი ტურის შემდეგ. მე სანდო ინფორმაციაზე დაყრდნობით ვიცი, ეს უმრავლესობის ბევრმა დეპუტატმა იცის, უბრალოდ ამაზე ხმამაღლა ვერვინ საუბრებს. ბაქრაძე არის ერთ-ერთი ადამიანი, მის უკან ბოკერია დგას, რომლის უკან დგას რამიშვილი, „ნაციონალური მოძრაობის“ ცნობილი იდეოლოგი და ცნობილი ჯგუფი", - განაცხადა შალვა ხაჭაპურიძემ.

იხილეთ ვიდეო