სვანეთის მოსახლეობის ნაწილი ჰესების მშენებლობის საწინააღმდეგო აქციას მართავს

სასტუმრო „იოტასთან" საქართველოში ჰესების მშენებლობის საწინააღმდეგო აქცია მიმდინარეობს. აქციაში უფლებადამცველები ლაშა ჩხარტიშვილი და ნიკა მემანიშვილი, მესტიის მკვიდრი მანანა საღლიანი, ასევე სვანეთისა და ლენტეხის მოსახლეობის წარმომადგენელები მონაწილეობენ.

აქციის მონაწილეთა განცხადებით, სასტუმროში ევროპის რეკონსტრუქციისა და განვითარების ბანკის მონაწილეობით კონფერენცია მიმდინარეობს. მათივე ინფორმაციით, სწორედ ამ ბანკის დაფინანსებით საქართველოში ჰესების მშენებლობა იგეგმება.

ლაშა ჩხარტიშვილის განცხადებით, 150-მდე ჰესის მშენებლობაა დაგეგმილი, რასაც საქართველოსთვის კატასტროფული შედეგები ექნება. ჩხარტიშვილმა ევროპის რეკონსტრუქციისა და განვითარების ბანკს მოუწოდა, „მონაწილე არ გახდეს ივანიშვილის კორუფციული პროექტის დაფინანსების“, რაც ჰესების იძულებით აშენების მცდელობაში გამოიხატება.

ლენტეხის წარმომადგენლები კი აცხადებენ, რომ საფრთხე ემუქრება სვანეთის უნიკალურ ბუნებას. მათივე ინფორმაციით, თუ გაზაფხულზე ჰესების მშენებლობა განახლდება, ისინი გზებს ჩაკეტავენ და აქციებს გამართავენ.

ამ წუთებში აქციის მონაწილეები მთავრობის ადმინისტრაციისკენ მიემართებიან.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს