მარჯანიშვილის თეატრში, სადაც მსახიობ გურანდა გაბუნიას სამოქალაქო პანაშვიდი მიმდინარეობს, თბილისის მერი კახა კალაძე მეუღლესთან ერთად მივიდა. მათ გურანდა გაბუნიას ოჯახის წევრებსა და კოლეგებს მიუსამძიმრეს.
„კიდევ ერთი ღირსეული ადამიანი წავიდა ამ ქვეყნიდან. დავკარგეთ კარგი ადამიანი, კარგი მეგობარი და უძლიერესი მსახიობი, რომელმაც არაერთი შესანიშნავი პერსონაჟი გააცოცხლა მარჯანიშვილის თეატრში. გულდასაწყვეტია ნამდვილად. მინდა მივუსამძიმრო ოჯახს, ნათესავებს და სრულიად საქართველოს“, - განაცხადა კალაძემ.
მსახიობის სამოქალაქო პანაშვიდი მარჯანიშვილის თეტრში 13:00 საათიდან მიმდინარეობს. გურანდა გაბუნიას დიდუბის პანთეონში მეუღლის, ოთარ მეღვინეთუხუცესის გვერდით დაკრძალავენ.
გურანდა გაბუნია 80 წლის ასაკში, მძიმე ავადმყოფობის შედეგად გარდაიცვალა.