ნათია მეზვრიშვილი - გამოძიება მიმდინარეობს როგორც ფარული ვიდეოჩანაწერის გამავრცელებლების, ასევე შემნახველების და ამტვირთავების გამოსავლენად

შინაგან საქმეთა მინისტრის მოადგილის, ნათია მეზვრიშვილის განცხადებით, გამოძიება მიმდინარეობს როგორც ფარული ვიდეოჩანაწერის გამავრცელებლების, ასევე შემნახველების და ამტვირთავების გამოსავლენად.

„გამოძიება მიმდინარეობს. ჩვენი მიზანია, რაც შეიძლება მეტი დეტალი გავარკვიოთ და დავადგინოთ ამ საქმის ფარგლებში. როგორც მოგეხსენებათ, არაერთი პირის დაკავება და ბრალის წარდგენა უკვე განხორციელდა. ეს არ ნიშნავს იმას, რომ გამოძიება დასრულებულია. გამოძიება არ დასრულებულა, არამედ გრძელდება დანაშაულის ჩამდენი სხვა პირების დადგენის მიზნით, როგორც გამავრცელებლების, ასევე შემნახველების და ამტვირთავების", - განაცხადა მეზვრიშვილმა.

ამასთან, ნათია მეზვრიშვილი არ აკონკრეტებს, რომელი ქვეყნის პარტნიორებს სთხოვს საგამოძიებო უწყება აღნიშნული კიბერდანაშაულის გამოძიებაში დახმარებას.

„რომელ ქვეყნებზე საუბრობდა ბატონი მინისტრი, ამას ვერ დაგიკონკრეტებთ", - აღნიშნა შს მინისტრის მოადგილემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა