სერგი კაპანაძე განათლების მინისტრს - რა კვლევები გამოიყენეთ, როდესაც გამოცდების და უნარების გაუქმებასთან დაკავშირებით იღებდით გადაწყვეტილებას

გთხოვთ ზუსტად დაასახელოთ, რა კვლევები გამოიყენეთ, როდესაც გამოცდების გაუქმებასთან დაკავშირებით იღებდით გადაწყვეტილებას, - აღნიშნული შეკითხვით მიმართა განათლების, მეცნიერების, კულტურის და სპორტის მინისტრს საპარლამენტო უმცირესობის წარმომადგენელმა სერგი კაპანაძემ პარლამენტის პლენარულ სხდომაზე. მან მინისტრს ასევე სხვა თემებთან დაკავშირებითაც დაუსვა კითხვები, როგორიცაა ზოგადი უნარების გამოცდასთან დაკავშირებული გადაწყვეტილება და ია კერზაიას საქმე.

„გთხოვთ ზუსტად დაასახელოთ, რა კვლევები გამოიყენეთ, როდესაც გამოცდების გაუქმებასთან დაკავშირებით იღებდით გადაწყვეტილებას. ვისი კვლევაა და რომელ წელს გამოვიდა. კონკრეტულად მაინტერესებს, უნარების გაუქმების გადაწყვეტილებას როდესაც იღებდით, იქ რა კვლევა გამოიყენეთ? განათლების კომიტეტთან რატომ არ გაიარეთ კონსულტაცია? უნივერსიტეტებს მას მერე რატომ ჰკითხეთ აზრი, როდესაც უკვე გადაწყვეტილება მიიღეთ და რეფორმა დააანონსეთ? თქვენ გამოსვლაში ახსენეთ, რომ რეფორმების კონკრეტულ ინსტრუმენტებზე ვისაუბრებთ მაისში და მაშინ გავაკეთებთ პრეზენტაციასო. ამხელა რეფორმა რომ დაგეგმეთ და გამოცდები გააუქმეთ, ინსტრუმენტებზე მერე რომ გვესაუბრებით, პირიქით ხომ არ აჯობებდა? საღი აზრი იმაში ხომ არაა, რომ ჯერ დაგეგმო რეფორმა და მერე გააუქმო გამოცდები. თქვენ თქვით, გამოცდები აცარიელებს სკოლას, რადგან რეპეტიტორებთან დადიან ბავშვებიო. ერთ-ერთი კვლევის მიხედვით, გამოკითხულთა 33% ამბობს, რომ რეპეტიტორებთან დადიან, რადგან სკოლაში სწავლების ცუდი ხარისხია, გამოცდებს ახსენებს 14%. თქვენთვის ცნობილია თუ არა, რომ რესურსცენტრები, ბევრ რაიონში, დაკავებულები არიან წინასაარჩევნო პერიოდში მასწავლებლების ტერორით. მარტო ზუგდიდის რესურს ცენტრზე არაა საუბარი, სხვაგანაც იგივე რაღაცეები ხდება. ბოლოს, ია კერზაიას საქმეზე მინდა გკითხოთ. ლავრენტი ქირიას წერილი რომ შემოგივიდათ პირადი ნომრის გარეშე, არასწორი მისამართით, მერე პასუხი რომ გაეცით ლავრენტი ქირიას, შეეცადეთ დაგედგინათ მართლა არსებობდა თუ არა? ამ სამარცხვინო ანონიმური წერილის საფუძველზე სანიმუშო სკოლაში ეგზეკუცია რომ შეუშვით თქვენი ხელმოწერილი ბრძანების მიხედვით, ამასთან დაკავშირებით უფრო მეტი დეტალი რომ მოგვაწოდოთ, ვისგან მოდიოდა ეს დაკვეთა, თქვენ იღებთ პასუხისმგებლობას თუ ეს იყო შინაგან საქმეთა მინისტრი ან „ქართული ოცნების“ გუნდის სხვა წარმომადგენელი“, - განაცხადა სერგი კაპანაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს