დროებითი მოთავსების იზოლატორებში პირობების გაუმჯობესება ევროპის საბჭოს და სახალხო დამცველის რეკომენდაციებში იყო, - ამის შესახებ ჟურნალისტებს საქართველოში ევროკავშირის წარმომადგენლობის ხელმძღვანელმა კარლ ჰარცელმა განუცხადა.

ის შინაგან საქმეთა სამინისტროს მიერ დროებითი მოთავსების უზრუნველყოფის დეპარტამენტის 2018 წლის ანგარიშის წარადგინას დაესწრო.

„დღევანდელი პრეზენტაცია შეეხებოდა დროებითი მოთავსების იზოლატორების მოდერნიზაციას. დღეს აქ იმიტომ ვარ, რომ ამ სფეროში დიდი წინსვლა დავინახეთ. მოგეხსენებათ, დროებითი მოთავსების იზოლატორებში პირობების გაუმჯობესება ევროპის საბჭოს, სახალხო დამცველის რეკომენდაციებში იყო. დღეს ჩვენ ვხედავთ, რომ ნამდვილად გაუმჯობესებულია პრიობები, სამუშაო დონეზე გვაქვს სამინისტროსთან ძალიან კარგი თანამშრომლობა. ვხედავთ წინსვლას, რომ სამინისტროს აქვს მცდელობა ადამიანის უფლებების კუთხით შეხედოს ამ თემატიკას, რაც პენიტენციალურ სისტემას და ადამიანების დაკავებას შეეხება. ჩემი აქ ყოფნა დასტურია იმ მხარდაჭერის, რასაც ზოგადად შინაგან საქმეთა სამინისტროს ვუწევთ და ასევე, ხაზი მინდა გავუსვა წარმატებულ თანამშრომლობას“, - განაცხადა ჰარცელმა.