უკრაინის პარლამენტმა კონსტიტუციაში ცვლილებები მიიღო, რომელიც ქვეყნის ნატო-სა და ევროკავშირისკენ კურსის განმტკიცებას გულისხმობს

უკრაინის პარლამენტმა კონსტიტუციაში ცვლილებები მიიღო, რომელიც ქვეყნის ნატო-სა და ევროკავშირისკენ კურსის განმტკიცებას გულისხმობს.

შესაბამის კანონპროექტს მხარი 334-მა დეპუტატმა დაუჭირა.

კანონის მიხედვით, კონსტიტუციის პრეამბულაში დაფიქსირდება დებულება „უკრაინელი ხალხის ევროპულ იდენტობაზე და უკრაინის ევროპული და ევროატლანტიკური კურსის შეუქცევადობაზე“.

კონსტიტუციაში შეტანილი ცვლილებების თანახმად, უკრაინის პრეზიდენტი ევროკავშირსა და ნატო-ში გაწევრიანების სტრატეგიული კურსის გარანტი გახდება.

კანონის თანახმად, ქვეყნის პარლამენტი უფლებამოსილი იქნება განსაზღვროს შიდა და საგარეო პოლიტიკის საფუძვლები და ევროკავშირსა და ნატო-ში გაწევრიანების სტრატეგიული კურსი, ხოლო მთავრობა კი მის რეალიზებას უზრუნველყოფს.