ფრაქცია „ნაციონალური მოძრაობის“ თავმჯდომარის, რომან გოცირიძის განცხადებით, „ქართული ოცნების“ საკონსტიტუციო უმრავლესობა პრაქტიკულად დაშლილია.
გოცირიძე იმასაც ამბობს, რომ ახლა უმრავლესობის წევრების მთავარი სადარდებელია, რა არ უნდა აწყენინონ ბიძინა ივანიშვილს, რათა იმ ადამიანების ბედი არ გაიზიარონ, რომლებიც სულ ცოტა ხნის „ქართული ოცნების“ ბურჯები იყვნენ.
„უმრავლესობაში სრული დაბნეულობაა, გუნდი მორალურად განადგურებულია. ბიძინა ივანიშვილისთვის მორჩილება საკმარისი არ აღმოჩნდა. მისთვის აუცილებელია მონური მორჩილება, ამიტომ ნებისმიერი შეწინააღმდეგება და განსხვავებული აზრი „ქართულ ოცნებაში“ ისჯება. მთავარი მოსამართლე და დამსჯელი არის ბიძინა ივანიშვილი“, - განაცხადა გოცირიძემ.