"ქართული ოცნების“ დეპუტატი ნუკრი ქანთარია პარტიის დაშლის საფრთხეს ვერ ხედავს, თუმცა გამორიცხავს, რომ მმართველ გუნდს კონსტიტუციური უმრავლესობა აღარ ჰქონდეს. ქანთარია ეკა ბესელიას და ცხრა დეპუტატის მიერ დარეგისტრირებულ ინიციატივასაც გამოეხმაურა, რომელიც მოსამართლეთა უვადოდ დანიშვნის პროცესის 2024 წლისთვის გადადებას ითვალისწინებს და აღნიშნა, რომ აღნიშნულ ინიციატივას მხარს თავადაც დაუჭერს.
„რა თქმა უნდა, სჯობს გუნდს შიგნით პოზიციები დაახლოვდეს, პრობლემები უნდა გადაიჭრას და რაც მთავარია ცვლილებების დროა, იმ ცვლილებების, რომელსაც ჩვენ დავპირდით საზოგადოებას. მე ველოდები ამ ცვლილებებს და არავინ იფიქროს დამავიწყდა პირველ და მეორე ტურში რა პირობები დავდეთ. ამ ცვლილებებში ვგულისხმობ, როგორც საკადრო ცვლილებებს პარლამენტში ასევე აღმასრულებელ ხელისუფლებაში, საზოგადოება ელოდება ამ ცვლილებებს“, - განაცხადა ჟურნალისტებთან ნუკრი ქანთარიამ.