ბოლნისის მუნიციპალიტეტის მერიაში ხვალ „საქართველოს ფერმერთა ასოციაციის“ წარმომადგენლები ადგილობრივ ფერმერებს, მეღვინეებს და მუნიციპალიტეტის წარმომადგენლებს შეხვდებიან.
როგორც „ინტერპრესნიუსს“ „საქართველოს ფერმერთა ასოციაციიდან“ აცნობეს, ასოციაციის წარმომადგენლები მათ ხილ-ბოსტნეულის პირველადი წარმოების სტანდარტის, გეოგაპისა და მობილური აპლიკაცია აგრონავტის შესახებ ინფორმაციას გააცნობენ.
„შეხვედრისას წარმოდგენილი იქნება პრეზენტაციები, რომელიც ფერმერებისადმი საკანონმდებლო მოთხოვნებს, სასოფლო-სამეურნეო სტანდარტების დანერგვას, სურსათის უნვებლობის მიღწევას და აპლიკაცია აგრონავტის გამოყენებას შეეხება. აგრონავტის პრეზენტაციისას საუბარი შეეხება აპლიკაციის მეშვეობით პროდუქციის გაყიდვის შესაძლებლობებსა და თანამედროვე ტექნოლოგიების გამოყენების უპირატესობებს სოფლის მეურნეობის სექტორში“, – აცხადებენ ასოციაციაში.
მათივე თქმით, აღნიშნულ პროექტებში ჩართვის შემთხვევაში, ასოციაცია ფერმერებს განვითარებასა და პროდუქციის გაყიდვაში დაეხმარება.