ელენე ხოშტარია განათლების მინისტრს - რადიკალური გადაწყვეტილებები, რომლებიც უცებ „დაგვეცა“ თავს, რა კავშირშია განათლების ხარისხის გაუმჯობესებასთან?

ეს რადიკალური გადაწყვეტილებები, რომლებიც ყველანაირი მსჯელობის გარეშე, ასე უცებ „დაგვეცა“ თავს, რა კავშირშია განათლების ხარისხის გაუმჯობესებასთან? - ამ შეკითხვით მიმართა „ევროპული საქართველოს“ ერთ-ერთმა ლიდერმა ელენე ხოშტარიამ განათლების, მეცნერების, კულტურისა და სპორტის მინისტრს მიხეილ ბატიაშვილს, რომელიც პარლამენტის პლენარულ სხდომაზე დეპუტატების შეკითხვებს პასუხობს.

ელენე ხოშტარიას თქმით, დაბნეულობაა იმასთან დაკავშირებით, განათლების სისტემაში არსებული სიახლეები რა შედეგებს მოიტანს.

„ძალიან დიდი დაბნეულობაა იმასთან დაკავშირებით, რადიკალური გადაწყვეტილებები რა შედეგებს მოგვიტანს. ეს რადიკალური გადაწყვეტილებები, რომელიც ყველანაირი მსჯელობის გარეშე, ასე უცებ „დაგვეცა“ თავს, რა კავშირშია განათლების ხარისხის გაუმჯობესებასთან? ამას მე ჩასაფრებული და ირონიული პოზიციით არ გეუბნებით. ამ გამოცდას რომ აუქმებთ, ამით განათლების ხარისხი როგორ იზრდება? ეს ნამდვილად უნდა აგვიხსნათ და დაგვისაბუთოთ.

თქვენ ჰუმანიტარული და ტექნიკური მიმართულებების დაყოფაზე ისაუბრეთ. მე რა ახსნაც მოვისმინე, იყო ის, რომ „სირცხვილია, ქართველმა კაცმა ისტორია არ იცოდეს“. მე სიტყვებზე არ გამოგეკიდებით, ალბათ საქართველოს მოქალაქეებს გულისხმობდით, მაგრამ საქართველოს მოქალაქე მათემატიკოსმა რომ არ იცოდეს ისტორია, ეს სირცხვილი არ არის? იქნებ, ცოტა უფრო სერიოზული ახსნა მოგვცეთ, ამას საფუძვლად რა უდევს და მითუმეტეს, მობილობაზე რა გავლენას მოახდენს“, - მიმართა ელენე ხოშტარიამ განათლების მინისტრ მიხეილ ბატიაშვილს.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება