რატი იონათამიშვილმა განათლების მინისტრს მიმართა, ყურადღება დაეთმოს იმ სკოლებს, სადაც ინკლუზიური სწავლება ხორციელდება

როდესაც თქვენ ჯერ კიდევ ბიზნესისა და ტექნოლოგიების უნივერსიტეტის რექტორი ბრძანდებოდით, დიდ ყურადღებას უთმობდით შეზღუდული შესაძლებლობების მქონე პირთათვის თანაბარი განათლების, ინკლუზიური განათლების დანერგვას. როდესაც თქვენ მინისტრი გახდით, ჩემთვის ერთ-ერთი დამატებითი მოტივაცია სწორედ ეს იყო, რომ ძალიან სწორად და კარგად იცოდით, რას ნიშნავს ინკლუზიური განათლება და რა გამოწვევებისა და პრობლემების წინაშე ვდგავართ ჩვენ, - ასე მიმართა პარლამენტის წევრმა რატი იონათამიშვილმა განათლების, მეცნიერების, კულტურისა და სპორტის მინისტრს, მიხეილ ბატიაშვილს. მინისტრმა დღეს დეპუტატებს ანგარიში წარუდგინა და სამინისტროს მიერ განხორციელებული და მიმდინარე რეფორმების სტატუსი გააცნო.

რატი იონათამიშვილის განცხადებით, გასული წლის, საგაზაფხულო სესიაზე პარლამენტმა მიიღო ძალიან მნიშვნელოვანი ინიციატივა, რომლითაც მოხდა სპეციალური პედაგოგის სტატუსის აღიარება და ის გაუთანაბრდა პედაგოგის სტატუსს.

მისივე თქმით, ცოტა უცნაურია, როდესაც ოპოზიცია მუდმივად საუბრობს, ერთი მხრივ, იმ პრობლემებზე, რაც არის განათლების სისტემაში და მეორე მხრივ, რეფორმისა და ცვლილებების წინააღმდეგია.

„მე ვფიქრობ, რომ განათლება არის ის სფერო, სადაც ყველა ერთნაირად უნდა ვიყოთ მონდომებული. ეს ჩვენი პოლიტიკური გადანაწილების სივრცე ნამდვილად არ არის“, - განაცხადა უმრავლესობის წარმომადგენელმა.

იონათამიშვილმა მინისტრს თხოვნით მიმართა, ინფრასტრუქტურის მიმართულებით განსაკუთრებული ყურადღება დაეთმოს იმ სკოლებს, სადაც ინკლუზიური სწავლება ხორციელდება.

„2019 წლის ბიუჯეტში ჩვენ გავაორმაგეთ სკოლის ინფრასტრუქტურის მიმართულებით სამუშაოები. მართალია, ამ თანხის განკარგვა უფრო ინფრასტრუქტურის სამინისტროს პასუხისმგებლობის ქვეშ არის, მაგრამ მნიშვნელოვანი იქნება განათლების სამინისტროს პოზიციაც. მინდა გთხოვოთ, რომ იმ საჯარო სკოლებზე გავრცელდეს პრიორიტეტები, სადაც ხორციელდება ინკლუზიური განათლება და სადაც ეს მიმართულება არის უფრო მეტად განვითარებული და დანერგილი“, – მიმართა რატი იონათამიშვილმა მინისტრს.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს