აბონენტად რეგისტრაციის სერვისით იუსტიციის სახლში 3 ათასზე მეტმა მოქალაქემ ისარგებლა

საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) იუსტიციის სახლში დანერგილი კომუნალური სერვისების შესახებ ანგარიში მოისმინეს. როგორც „ინტერპრესნიუსს“ სემეკიდან აცნობეს, კომისიის წარმომადგენლებთან ერთად შეხვედრას ესწრებოდნენ იუსტიციის სახლის, საჯარო რეესტრისა და მონაცემთა გაცვლის სააგენტოს წარმომადგენლები.

მათი ინფორმაციით, ელექტროენერგეტიკის, ბუნებრივი გაზისა და წყალმომარაგების სექტორებში აბონენტად რეგისტრაციის შეცვლის მომსახურების მისაღებად იუსტიციის სახლში დღემდე 3 246 განცხადება დარეგისტრირდა. მათ შორის. სს „თელასის“ აბონენტად რეგისტრაციის მოთხოვნით - 874 განცხადება; შპს „ყაზტრანსგაზ თბილისის“ მიმართ - 727 განცხადება; შპს „ჯორჯიან უოთერ ენდ ფაუერის“ მიმართ - 846 განცხადება; სს „ენერგო-პრო ჯორჯიას“ მიმართ - 386 განცხადება; შპს „სოკარ ჯორჯია გაზისა“ და „საქორგგაზის“ მიმართ - 260 განცხადება; შპს „საქართველოს გაერთიანებული წყალმომარაგების კომპანიის“ მიმართ - 153 განცხადება.

„იუსტიციის სახლში აბონენტად რეგისტრაციის ცვლილების განცხადების მიღება ხდება 2018 წლის 21 ნოემბრიდან. მომხმარებელს შესაძლებლობა აქვს, იუსტიციის სახლში ერთი ვიზიტით, აბონენტის რეგისტრაციის ცვლილების მოთხოვნით მიმართოს სამივე სექტორში (ელექტროენერგია, ბუნებრივი გაზი, წყალი) მომსახურე კომპანიას. იუსტიციის სახლის 20 ფილიალში სერვისით სარგებლობა შეუძლიათ როგორც მუდმივ, ისე დროებით აბონენტებს. აბონენტად რეგისტრაციის ცვლილების განცხადების დაწერა მომხმარებელს შეუძლია უძრავ ქონებაზე საკუთრების უფლების რეგისტრაციისას. ასევე, განმცხადებელს იმავდროულად შეუძლია, გაიგოს უძრავ ქონებაზე არსებული დავალიანება,” - ნათქვამია ინფორმაციაში.

სემეკის თავმჯდომარის, ირინა მილორავას განცხადებით, იგეგმება, რომ დროთა განმავლობაში, იუსტიციის სახლში ერთიანად განთავსდეს ენერგეტიკისა და წყალმომარაგების სექტორებში არსებული სხვა მომსახურებებიც.

სემეკს, „იუსტიციის სახლს“, „საჯარო რეესტრის ეროვნულ სააგენტოს“, „სახელმწიფო სერვისების განვითარების სააგენტოსა“ და „მონაცემთა გაცვლის სააგენტოს“ შორის გაფორმებული მემორანდუმის შესაბამისად, უწყებებს შორის თანამშრომლობის მიზანია, ხელი შეეწყოს ენერგეტიკისა და წყალმომარაგების სექტორებში სწრაფი და ეფექტური მომსახურებების განვითარებას.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს