ზვიად კვაჭანტირაძე - მასწავლებელს სჭირდება დამსახურების, ცოდნისა და კვალიფიკაციის მიხედვით გაცილებით მეტი ხელფასი, ვიდრე დღეს გვაქვს

მასწავლებელს სჭირდება დამსახურების, ცოდნისა და კვალიფიკაციის მიხედვით გაცილებით მეტი ხელფასი, ვიდრე დღეს გვაქვს სკოლებში, - ამის შესახებ უმრავლესობის წევრმა ზვიად კვაჭანტირაძემ პლენარულ სხდომაზე განაცხადა, სადაც განათლების, მეცნიერების, კულტურისა და სპორტის მინისტრ მიხეილ ბატიაშვილს უსმენენ.

ზვიად კვაჭანტირაძემ ყურადღება გაამახვილა მასწავლებლის როლზე.

„მასწავლებელი არის სკოლის და განათლების ქვაკუთხედი. მასწავლებელს სჭირდება გაცილებით მეტი მხარდაჭერა, სჭირდება დამსახურების, ცოდნისა და კვალიფიკაციის მიხედვით გაცილებით მეტი ხელფასი, ვიდრე დღეს გვაქვს სკოლებში. ამიტომ, ყველაფერი უნდა გაკეთდეს იმისთვის, რომ მასწავლებლების ხელფასი გაიზარდოს სკოლაში და რაც უფრო მეტს გამოვყოფთ ბიუჯეტიდან განათლების კომპონენტზე, მით უფრო კარგად წავა ჩვენი ქვეყნის საქმე“, - აღნიშნა დიასპორისა და კავკასიის საკითხთა კომიტეტის თავმჯდომარემ.

ზვიად კვაჭანტირაძის თქმით, მისასალმებელია მინისტრის სურვილი და მონდომება დაიწყოს განათლების მიმართულებით სერიოზული რეფორმა. როგორც ზვიად კვაჭანტირაძემ აღნიშნა, საჭიროა საკმარისი არგუმენტების წარმოდგენა იმის მხარდასაჭერად, რომ გამოცდების მოხსნით უნდა დაიწყოს სკოლის გაძლიერება.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა