ჩვენი ამოცანაა, დავეხმაროთ სკოლებს, რომ დავუბრუნოთ თავისი ფუნქცია, რასაც ცოდნის გადაცემა ჰქვია, ამ კომპონენტში უნდა ვიმუშაოთ, რომ მაქსიმალურად გამოვრიცხოთ კორუფციის რისკები, - ამის შესახებ საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა პარლამენტში განაცხადა.

როგორც ბატიაშვილმა აღნიშნა, უნდა ვენდოთ სკოლებს და მასწავლებლებს, რომ დაიბრუნონ ის ფუნქცია, რაც წლების განმავლობაში არ ჰქონდათ. „ჩვენი ამოცანაა, დავეხმაროთ სკოლებს, რომ დავუბრუნოთ თავისი ფუნქცია, რასაც ცოდნის გადაცემა ჰქვია, ამ კომპონენტში უნდა ვიმუშაოთ, რომ მაქსიმალურად გამოვრიცხოთ კორუფციის რისკები. ერთი რამ შემიძლია ვთქვა, რომ ვერ ჩავკეტავთ მომავალ განათლებას. ჩვენ უნდა ვიმუშაოთ, რომ კორუფციის ნიშნები მაქსიმალურად დავაზღვიოთ. არ დავუშვათ, მაგრამ პირველი პოსტულატი ის, რომ კორუფცია არის მთავარი და განათლებაზე არ ვიფიქროთ, ასე არ არის. ჩვენი ამოცანაა, დავეზღვიოთ ყველანაირად, მაგრამ ვენდოთ სკოლებს და მასწავლებლებს, რომ დაიბრუნონ ის ფუნქცია, რაც წლების განმავლობაში არ ჰქონდათ. გვაქვს ხედვა, რომელიც დაფუძნებულია კვლევებზე, რაც დეტალურად ორშაბათს გავრცელდება სამინისტროს ვებ-გვერდზე“, - განაცხადა ბატიაშვილმა.