განათლების მინისტრის განცხადებით, შავი ზღვის საერთაშორისო უნივერსიტეტს მობილობის უფლებას ვერ აძლევენ, რადგან ამას კანონი კრძალავს

განათლების მინისტრის განცხადებით, შავი ზღვის საერთაშორისო უნივერსიტეტს მობილობის უფლებას ვერ აძლევენ, რადგან ამას კანონი კრძალავს. აღნიშნულის შესახებ განათლების მინისტრმა პარლამენტში განაცხადა, რითაც „ნაციონალური მოძრაობის“ წევრის რომან გოცირიძის შეკითხვას უპასუხა უნივერსიტეტთან დაკავშირებით.

„როგორც ვიცი, უნივერსიტეტმა დავალიანება დაფარა, მთლიანად საბიუჯეტო დავალიანება. შესაბამისად, ყველა მტკიცებულება წარუდგინა დამოუკიდებელ საბჭოს, რომ როგორც საბიუჯეტო დავალიანება ჰქონდა დაფარული, ასევე სხვა ფინანასური რისკებიც გათვალისწინებული იყო. საბჭომ მიიღო ის გადაწყვეტილება, რომელიც უნდა მიეღო.

რაც შეეხება მობილობის პრობლემას, ესაა კანონში გასასწორებელი, რადგან კანონში არის ასეთი მუხლი, რომელიც ერთი წლის განმავლობაში, დროებით ავტორიზაცია ჩამორთმეულ უნივერსიტეტს უკრძალავს მობილობას. მე მოხარული ვარ, რომ რამენაირად დავეხმაროთ, მაგრამ კანონში გვჭირდება ცვლილება“, - განაცხადა ბატიაშვილმა.