ვარკეთილში, კალოუბნის ქუჩაზე სამი ავტომობილის შეჯახების შედეგად ორი ადამიანი დაშავდა, რომლებიც საავადმყოფოში არიან გადაყვანილები. ადგილზე მობილიზებულია სასწრაფო-სამედიცინო ბრიგადები და სახანძრო-სამაშველო სამსახური.
როგორც „ინტერპრესნიუსს“ შინაგან საქმეთა სამინისტროში განუცხადეს, გამოძიება 276-ე მუხლის პირველი ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც გაუფრთხილებლობით ჯანმრთელობის ნაკლებად მძიმე დაზიანება გამოიწვია.
შსს-ს ინფორმაციით, ავტოსაგზაო შემთხვევაში სამი ავტომობილი ფიგურირებს და ორი პირი მსუბუქადაა დაშავებული.