მიხეილ ბატიაშვილი - თუ უნივერსიტეტმა დაკარგა ავტორიზაცია, ერთი წელი მას არ აქვს საშუალება, აღმოფხვრის შემთხვევაში, განაცხადი თავიდან შემოიტანოს, რაც არასწორია

თუ უნივერსიტეტმა დაკარგა ავტორიზაცია, ერთი წელი მას არ აქვს საშუალება, აღმოფხვრის შემთხვევაში, განაცხადი თავიდან შემოიტანოს. ეს არ არის სწორი და ამაზე ვიმუშავებთ,- ამის შესახებ განათლების, მეცნიერების, კულტურისა და სპორტის მინისტრმა პარლამენტის პლენარულ სხდომაზე განაცხადა.

„უნივერსიტეტმა შეიძლება ერთი თვეში გამოასწოროს პრობლემები, თუმცა ერთი წლით დაცდა უწევს. იმ შემთხვევაში, თუ უნივერსიტეტი დროულად შეძლებს ხარვეზების გასწორებას, ჩვენ ამას მივესალმებით“, - აღნიშნა მიხეილ ბატიაშვილმა.

შავი ზღვის უნივერსიტეტის შესახებ საუბრისას მინისტრმა განმარტა, რომ საბჭოს გადაწყვეტილება, შეეჩერებინა უნივერსიტეტისათვის პირველკურსელთა მიღება, ეფუძნებოდა უნივერსიტეტის დავალიანებას, რის გამოც შესაძლებელი იყო გარკვეული რისკები გაჩენილიყო.

„ამას თავად უნივერსიტეტიც აღიარებდა. როგორც კი შავი ზღვის უნივერსიტეტმა დაფარა მთლიანი დავალიანება და წარუდგინა საბჭოს შესაბამისი დოკუმენტაცია, დამოუკიდებელმა საბჭომ მიიღო შესაბამისი გადაწყვეტილება“,- განაცხადა მინისტრმა.

მობილობის თემაზე საუბრისას მინისტრმა აღნიშნა, რომ კანონის თანახმად, სტუდენტს პირველი ერთი წლის განმავლობაში ეკრძალება მობილობაში მონაწილეობის მიღება. მისი თქმით, ამ პრობლემის გადაჭრა საკანონმდებლო დონეზე უნდა მოხდეს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს