უკრაინის უმაღლესმა რადამ დადგენილების პროექტი მიიღო, რომლითაც ნატოს წევრ ქვეყნებს მოუწოდებს, უკრაინას ორგანიზაციაში წევრობის სამოქმედო გეგმა მიანიჭონ. ამის შესახებ სააგენტო „უნიანი“ იუწყება.

დადგენილების მიღებას მხარი 243-მა სახალხო დეპუტატმა დაუჭირა. პროექტის თანახმად, უკრაინა ჩრდილოატლანტიკურ ალიანსს მიმართავს, ლონდონის 2019 წლის სამიტზე, რომელიც დეკემბერში გაიმართება, უკრაინისთვის წევრობის შესახებ სამოქმედო გეგმის მინიჭების საკითხი დააკმაყოფილოს.