სტამბოლში, 6 თებერვალს საცხოვრებელი კორპუსის ჩამონგრევის შედეგად, გარდაცვლილთა რიცხვი ათამდე გაიზარდა. ამის შესახებ ადგილობრივი მედია იუწყება.
მათივე ცნობით, დაშავებულია 13 ადამიანი, რომლებიც ნანგრევებიდან გამოიყვანეს, მათ შორის არის მცირეწლოვანიც. მას ოპერაცია გაუკეთდა და მშობლებს გადასცეს. ყველა დაშავებული საავადმყოფოშია მოთავსებული. მომხდარის დროს საცხოვრებელ სახლში 30-მდე ადამიანი იმყოფებოდა.
შენობის ჩამონგრევის მიზეზი ამ დრომდე უცნობია. საქმეზე გამოძიებას სტამბოლის პროკურატურა აწარმოებს.