ამერიკის პრეზიდენტის დონალდ ტრამპის პოპულარობის რეიტინგი მკვეთრად დაეცა. ამას მოწმობს კომპანია „Morning Consult“-ის მიერ ჩატარებული გამოკითხვა.
კომპანიის ვებგვერდზე გამოქვეყნებული მონაცემების მიხედვით, ტრამპის პოპულარობის რეიტინგმა რეკორდულად დაბალ ნიშნულს მიაღწია და 40 % შეადგინა. ამ გამოკითხვით, სწორედ, 40 %-ს მოსწონს პრეზიდენტის ქმედებები მაშინ, როდესაც 55 % უკმაყოფილებას გამოთქვამს.
ასევე ცნობილი გახდა, რომ ტრამპის საქმიანობას დადებითად აფასებენ მხოლოდ 12 შტატში, 27 შტატში კი - უარყოფითად.
გამოკითხვა 1-31 იანვრის განმავლობაში მიმდინარეობდა, რომელშიც მონაწილეობა მიიღო 156 ათასმა ადამიანმა.