დეპუტატმა ბექა ოდიშარიამ ოპოზიციონერ კოლეგებს უდანაშაულობის პრეზუმპციის დაცვისკენ მოუწოდა

განათლების კომიტეტის სხდომაზე დეპუტატმა ბექა ოდიშარიამ ოპოზიციონერ დეპუტატთა ნაწილს უდანაშაულობის პრეზუმპციის დაცვისკენ მოუწოდა. მისი განცხადებით, არაეთიკურია მინისტრისთვის მკვლელის ძახილი, რადგან მასაც ჰყავს ოჯახის წევრები და აქვს თავმოყვარეობა. ოდიშარიამ კოლეგებს თავშეკავებისკენ მოუწოდა.

ბექა ოდიშარიას აღნიშნულმა განცხადებამ უკმაყოფილება გამოიწვია საპარლამენტო ოპოზიციაში, რომლებმაც აღნიშნეს, რომ მათი მხრიდან სიტყვა მკვლელი არავის უხსენებია. ოპოზიციის განმარტებით, ისინი სვამენ კითხვებს, რომელიც აქვს გარდაცვლილის ოჯახს და საზოგადოებას.