როგორც მოხვედით საკუთარი ნებით, ამ გადაწყვეტილების შემდეგ, წახვალთ თუ არა საკუთარი ნებით?- ასე მიმართა განათლების, მეცნიერების, კულტურისა და სპორტის მინისტრს მიხელ ბატიაშვილს „ნაციონალური მოძრაობის“ ერთ-ერთმა ლიდერმა რომან გოცირიძემ პარლამენტში საკომიტეტო მოსმენაზე, სადაც ზუგდიდის მე-6 სკოლის დირექტორის, ია კერზაიას საქმეზე განათლების მინისტრს მიხეილ ბატიაშვილს უსმენდნენ.

რომან გოცირიძემ მინისტრი ია კერზაიას საქმესთან დაკავშირებით მიღებული გადაწყვეტილების გამო, გამოუცდელობაშიც დაადანაშაულა.

„თქვენ ეს დაგავალეს, გამოუცდელი ხართ ამ სფეროში. სხვების მიღებულ ცუდ გადაწყვეტილებას იმკით ახლა თქვენ, ამიტომ მე გეკითხებით, როგორც მოხვედით საკუთარი ნებით, ამ გადაწყვეტილების შემდეგ, წახვალთ თუ არა საკუთარი ნებით?!“-განაცხადა რომან გოცირიძემ.