„ფრიდომ ჰაუსის“ პროგრამების დირექტორი - ფაქტების შემოწმების საქმეს კარგად ვაკეთებთ მთელ მსოფლიოში და საქართველოშიც - ჩვენს ანგარიშზე თავდასხმა უსამართლოა

იქნება კრიტიკა, მაგრამ ძლიერი დემოკრატია მხოლოდ და მხოლოდ ძლიერდება ასეთი კრიტიკით და ჩვენს ანგარიშზე თავდასხმა უსამართლოა, - ასე გამოეხმაურა “ამერიკის ხმის” ქართულ ბიუროსთან საუბარში „ფრიდომ ჰაუსის“ ევროპისა და ევრაზიის პროგრამების დირექტორი, მარკ ბერენტი საქართველოში ანგარიშის მიმართ გამოთქმულ კრიტიკას.

მისივე თქმით, ორგანიზაციის მეთოდოლოგია და ანგარიშის შედგენის პროცესი გამჭვირვალეა და მისი მეთოდოლოგია ყველასთვის ხელმისაწვდომია.

„ჩვენ ძალიან ცხადად ვამბობთ, რა განაპირობებს რეიტინგში ქულების ცვლილებას. ამას შეგიძლიათ დაეთანხმოთ ან არ დაეთანხმოთ. თუკი ფაქტები შეგვეშლება, ცხადია, ისინი უნდა შევასწოროთ. მაგრამ, ჩვენ ფაქტების შემოწმების საქმეს ძალიან კარგად ვაკეთებთ მთელ მსოფლიოში და საქართველოშიც“, - განაცხადა ბერენტიმ.

მისივე თქმით, საქართველო, როგორც რეგიონში წარმატებული ქვეყანა, უფრო უკეთ უნდა უმკლავდებოდეს კრიტიკას.

„იქნება კრიტიკა, მაგრამ ძლიერი დემოკრატია მხოლოდ და მხოლოდ ძლიერდება ასეთი კრიტიკით და ჩვენს ანგარიშზე თავდასხმა უსამართლოა. თუმცა ყოველთვის, როცა ასეთ ანგარიშს აკეთებ, მუდმივად არის მსგავსი გამოწვევები მეორე მხარისგან და ესეც ერთ-ერთი ასეთი შემთხვევაა“, - ამბობს ბერენტი.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს