საერთაშორისო საზოგადოებამ ირანთან მიმართებაში უფრო მკაცრი შეზღუდვები უნდა აღადგინოს, რათა ირანის სარაკეტო პროგრამა შეაკავოს. ამის შესახებ აშშ-ს სახელმწიფო მდივანმა მაიკ პომპეომ განაცხადა.
„ირანი უგულებელყოფს გაერო-ს უშიშროების საბჭოს, აუმჯობესებს თავის შესაძლებლობებს ბალისტიკური რაკეტების შემუშავების კუთხით. ჩვენ უნდა აღვადგინოთ უფრო მკაცრი საერთაშორისო შეზღუდვები, რათა ირანის სარაკეტო პროგრამის შეკავება მოხდეს“, - აღნიშნა მაიკ პომპეომ.
აშშ-ს სახელმწიფო მდივანმა ასევე აღნიშნა, რომ „ირანის მიერ რაკეტის გაშვება კიდევ ერთხელ ცხადყოფს, რომ ირანთან მიღწეული შეთანხმება არანაირად არ აჩერებს ირანის სარაკეტო პროგრამას“.