ირაკლი ჩიქოვანი - ქართულ-ამერიკული თანამშრომლობა უპრეცედენტოდ მაღალ დონეზეა და მნიშვნელოვანია, რომ კონგრესში ასეთი რეზოლუციის ინიცირება მოხდა

ქართულ-ამერიკული თანამშრომლობა უპრეცედენტოდ მაღალ დონეზეა და მნიშვნელოვანია, რომ ასეთი რეზოლუციის ინიცირება მოხდა ამერიკის კონგრესში, - ამის შესახებ პრემიერ-მინისტრის მრჩეველმა სტრატეგიული მიმართულებით ირაკლი ჩიქოვანმა აშშ-ის კონგრესისადმი წარდგენილი რეზოლუციის საკითხის კომენტირებისას განაცხადა.

„ის თანმიმდევრობა, რომელიც ქართულ-ამერიკულ ურთიერთობაში არსებობს, გრძელდება და აქვს აბსოლუტურად მრავალმხრივი გამოვლინება. ჩვენი პატრნიორობა კვლავაც გაგრძელდება, საქართველოს ჰყავს კარგი მეგობრები, როგორც ამერიკის კონგრესში, ისე აღმასრულებელ ხელისუფლებაში. საქართველოს მთავრობა მიესალმება ამ გადაწყვეტილებას და რა თქმა უნდა, ყველა აღიარება, რაც არსებობს ზოგადად ოკუპირებული ტერიტორიების მიმართ, არის ყველა საერთაშორისო სამართლის პრინციპის აბსოლუტური ფუნდამენტური დარღვევა, საზოგადოება და მთელი მსოფლიო ამას არასოდეს შეეგუება, - განაცხადა ჩიქოვანმა.

შეგახსენებთ, რომ აშშ-ის კონგრესს სირიის მიერ საქართველოს რეგიონების - აფხაზეთისა და სამხრეთ ოსეთის/ცხინვალის რეგიონის დამოუკიდებლობის აღიარების დამგმობი რეზოლუცია წარედგინა. რეზოლუცია კიდევ ერთხელ ხაზს უსვამს საქართველოს სუვერენიტეტისა და ტერიტორიული მთლიანობისადმი აშშ-ის მტკიცე მხარდაჭერას და გმობს რუსეთის ფედერაციის მიერ საქართველოს რეგიონების - აფხაზეთისა და სამხრეთ ოსეთის/ცხინვალის რეგიონის ოკუპირებას.

იხილეთ ვიდეო

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა