ნიკა მელიამ მიხეილ ბატიაშვილს თანამდებობიდან გადადგომისკენ მოუწოდა

თქვენ არა მინისტრი, არამედ ჩვეულებრივი დამნაშავე ხართ - ია კერზაია სისტემამ იმსხვერპლა! - აღნიშნული განცხადებით პარლამენტის პლენარულ სხდომაზე განათლების, მეცნიერების, კულტურის და სპორტის მინისტრს მიხეილ ბატიაშვილს ფრაქცია “ნაციონალური მოძრაობის“ წევრმა ნიკა მელიამ მიმართა.

როგორც მელიამ განაცხადა, პოლიტიკური რეპრესიები ქალაქ ზუგდიდში მას შემდეგ დაიწყო, რაც “ქართულმა ოცნებამ“ საპრეზიდენტო არჩევნები წააგო და იქ შს მინისტრი გიორგი გახარია ჩავიდა.

მელიას ინფორმაციით, ზუგდიდის მე-6 საჯარო სკოლაში სპეცჯგუფი მას შემდეგ მიავლინეს, რაც სკოლის დირექტორმა ია კერზაიამ საარჩევნო აგიტაციაში ჩართვაზე უარი განაცხადა.

ნიკა მელიამ ბატიაშვილს მინისტრის თანამდებობიდან გადადგომისკენ მოუწოდა.

„გუშინ ია კერზაიას ტრაგიკული საქმის საპირწონედ მინისტრმა კომიტეტის სხდომაზე სკოლის მოქმედი დირექტორები, “ქართული ოცნების“ აქტივისტები მოიყვანა, რომელთაც ერთადერთი ფუნქცია ჰქონდათ - როდესაც ოპოზიციონერი დეპუტატი დაიწყებდა საუბარს, გამოსვლა შეეწყვეტინებინათ. მათგან ისმოდა მხოლოდ პოლიტიკური განცხადებები და 9 წელი, 9 წელი. ეს ნორმალურია?! სამარცხვინო იყო ის, რაც გუშინ პარლამენტის განათლებისა და მეცნიერების კომიტეტის სხდომაზე ვიხილეთ“, - განაცხადა ნიკა მელიამ.

პარლამენტის პლენარულ სხდომაზე მიხეილ ბატიაშვილის ანგარიშზე პოლიტიკური დებატები გრძელდება.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს