„ბავშვებს სჭირდებათ მოტივაცია. იქნებ, ოქროს ატესტატზე ვიფიქროთ, - ამის შესახებ საპარლამენტო უმრავლესობის წევრმა ნუკრი ქანთარიამ პარლამენტის პლენარულ სხდომაზე განაცხადა. მან ინიციატივა გამოთქვა, რომ ოქროს ატესტატის მქონე მოსწავლეს საშუალება ჰქონდეს ნებისმიერ უნივერსიტეტში უფასოდ ჩააბაროს.
„ბავშვებს სჭირდებათ მოტივაცია. ახლაც არის ეს ოქროს მედალი, მაგრამ ეს არაფერში აღარ არის, მე მგონი. იქნებ ოქროს ატესტატზე ვიფიქროთ. ეს იქნება სწავლების მთელი პროცესი, რომ ბავშვმა ოლიმპიადაშიც მიიღო მონაწილეობა, ყველგან თავი გამოიჩინა და მას ოქროს ატესტატით საშუალება ექნება ნებისმიერ უმაღლეს სასწავლებელში უფასოდ გააგრძელოს სწავლა,“ - განაცხადა ნუკრი ქანთარიამ.