სოფიო კილაძე - უნარების ტესტებით გვაქვს ის შედეგი, რომელსაც ჩვენი ქვეყნისთვის და ბავშვებისთვის ვისურვებდით? რა თქმა უნდა, არა

ამ უნარების ტესტებით გვაქვს ის შედეგი, რომელსაც ჩვენი ქვეყნისთვის და ბავშვებისთვის ვისურვებდით? რა თქმა უნდა არა, - ასე მიმართა ადამიანის უფლებათა დაცვის კომიტეტის თავმჯდომარემ სოფიო კილაძემ ოპოზიციას პარლამენტში სიტყვით გამოსვლისას. მისივე თქმით, ბავშვებს ცხოვრებისთვის და პროფესიისთვის უნდა ამზადებდეს განათლების სისტემა და არა გამოცდებისთვის.

„აქამდე სისტემა იყო მიმართული გამოცდების ჩაბარებისკენ. მთელი სასწავლო სისტემა ემზადებოდა იმისთვის, რომ გამოცდები ჩაებარებინათ. მაშინ, როდესაც ყველა განვითარებულ ქვეყანაში, ბაღებიდან ბავშვებს ამზადებენ ცხოვრებისთვის, პროფესიისთვის, ამზადებენ იმისთვის, რომ ისინი იყვნენ საზოგადოების სრულფასოვანი წევრები, ასეთი განათლების სისტემა იღებს მხოლოდ ისეთ შედეგებს, რომელსაც ჩვენ ვუყურებთ მაგალითად აშშ-ში, გერმანიაში და ა.შ. ჩვენ გვჭირდება ბავშვები მოვამზადოთ ცხოვრებისთვის, განვითარებისთვის და არა გამოცდებისთვის. მგონი ეს ძალიან სწორადაა დანახული სამინისტროს მხრიდან. მაშინ, როდესაც თქვენ შემოიღეთ ეს უნარების ტესტი, ამან სადამდე მიგვიყვანა? დღეს, ამ უნარების ტესტებით გვაქვს ის შედეგი, რომელსაც ჩვენი ქვეყნისთვის და ბავშვებისთვის ვისურვებდით? რა თქმა უნდა არა. ჩვენ დღეს ვდგავართ და ვფიქრობთ რა მოვუხერხოთ იმ განათლების სისტემას, რომელიც თქვენგან დაგვრჩა მემკვიდრეობით და აქამდე ვერ მოვახერხეთ გაგვეუმჯობესებინა და გაგვეჯანსაღებინა. კვლევა, რომელიც განათლების სამინისტრომ წარმოადგინა, მაფიქრებინებს, რომ ჩვენ გვჭირდება ცვლილება. უნარების ტესტებში სოფელს და ქალაქს შორის ბავშვების შედეგების კუთხით ძალიან დიდი განსხვავება რომ არის, ეს სწორედ ერთ-ერთი ინდიკატორია იმისა, რომ გვჭირდება თანასწორობის უზრუნველყოფა განათლების სისტემაში“, - განაცხადა კილაძემ.

იხილეთ ვიდეო

გავლენის ოპერაციები ანუ „მკვლელობათა ჯაჭვი“
ქართული პრესის მიმოხილვა 19.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს