დიმიტრი პესკოვი - კრემლში დაუშვებლად მიიჩნევენ რუსი დამკვირვებლებისთვის უკრაინის საპრეზიდენტო არჩევნებზე მუშაობის შეზღუდვას

კრემლში დაუშვებლად მიიჩნევენ რუსი დამკვირვებლებისთვის უკრაინის საპრეზიდენტო არჩევნებზე მუშაობის შეზღუდვას, - ამის შესახებ რუსეთის პრეზიდენტის პრესმდივანმა დიმიტრი პესკოვმა განაცხადა.

მისივე თქმით, აღნიშნულმა ფაქტმა შესაძლოა, არჩევნების ლეგიტიმურობის დონე დასწიოს.

„იცით, რომ საკმაოდ ნეგატიური დამოკიდებულება იყო ამ სიტუაციის ირგვლივ ეუთო-ს მხრიდან, ვგულისხმობ უკრაინის ხელისუფლების ქმედებებს რუს დამკვირვებლებთან დაკავშირებით. ამ შემთხვევაში ჩვენც მივიჩნევთ, რომ რაიმე შეზღუდვის შემოღება დამკვირვებლებთან დაკავშირებით დაუშვებელია“, - აღნიშნა დიმიტრი პესკოვმა.

რუსეთის პრეზიდენტის პრესმდივანმა ასევე განაცხადა, რომ ამგვარი დისკრიმინაციული ზომები, სავარაუდოდ, არჩევნების ლეგიტიმურობის დონის დაწევას გამოიწვევს.

ამასთან, პესკოვის განცხადებით, ეს არ ნიშნავს იმას, რომ რუსეთი არ აღიარებს არჩევნების შედეგებს.