შინაგან საქმეთა სამინისტროს საპატრულო პოლიციის დეპარტამენტის ქვემო ქართლის მთავარ სამმართველოს ახალი ხელმძღვანელი ჰყავს. სამინისტროს ინფორმაციით, აღნიშნულ თანამდებობაზე პოლიციის მაიორი დავით ჟოჟუაშვილი დაინიშნა.
დავით ჟოჟუაშვილი 2018 წლიდან საპატრულო პოლიციის დეპარტამენტის აჭარის მთავარი სამმართველოს საორგანიზაციო სამმართველოს უფროსად მუშაობდა.
შინაგან საქმეთა სამინისტროს საპატრულო პოლიციის დეპარტამენტის ქვემო ქართლის მთავარი სამმართველოს უფროსის თანამდებობას აქამდე კახა ბუხრაძე იკავებდა, რომელიც თბილისის საპატრულო პოლიციის უფროსად დაინიშნა.