ანრი ოხანაშვილი - „ქართული ოცნება“ არის და კიდევ ძალიან დიდხანს  იქნება ქართულ პოლიტიკურ ცხოვრებაში

საპარლამენტო უმრავლესობის წევრის, ანრი ოხანაშვილის თქმით, ,,ქართული ოცნება“ არის და იქნება კიდევ ძალიან დიდხანს ქართულ პოლიტიკურ ცხოვრებაში. მისი განმარტებით, პროცესები, რომელიც მმართველ გუნდში ახლა მიმდინარეობს, არის სრულიად ბუნებრივი და ჯანსაღი.

,,მე ვერ ვიტყვი წინმსწრები მოლოდინები როგორი შეიძლება იყოს. რა თქმა უნდა, მე მაქვს ჩემი ხედვა ამ საკითხებთან დაკავშირებით, თუ რა პოლიტიკური პროცესებიც მიმდინარეობს და ძალიან საინტერესო, ჯანსაღი პოლიტიკური პროცესები მიმდინარეობს. საკითხებს უნდა მივუდგეთ ნაკლები ემოციით, მეტი პროფესიონალიზმით, მეტი პოლიტიკური გამჭრიახობით და ერთი მთავარი რამ: „ქართული ოცნება“ არის და იქნება კიდევ ძალიან დიდხანს ქართულ პოლიტიკურ ცხოვრებაში. როგორც მმართველი პარტია, ჩვენ ვაპირებთ მნიშვნელოვანი როლი შევიტანოთ ქვეყნის შემდგომ განვითარებაში. აქედან გამომდინარე, „ქართული ოცნება“ არის მყარი, ვაპირებთ, რომ გავაგრძელოთ ასევე მყარად და დავიწყოთ სამზადისი 2020 წლის საპარლამენტო არჩევნებისთვის. ამრიგად, დაველოდოთ მოვლენებს. შესაბამისად, რესურსი იმის, რომ „ქართული ოცნება“ დაზიანდეს და რამე არასწორი პოლიტიკური მსვლელობა განახორციელოს, არის აზრს მოკლებული’’, - განაცხადა ანრი ოხანაშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს