გადაუდებელი სამუშაოების გამო, 9 თებერვალს საბურთალოს რაიონის ნაწილს ელექტრომომარაგება შეეზღუდება

გადაუდებელი სამუშაოების გამო, 9 თებერვალს ელექტრომომარაგება დროებით შეიზღუდება. როგორც „ინტერპრესნიუსს“ „თელასიდან“ აცნობეს, 09:00 საათიდან 18:00 საათამდე შეზღუდვა შეეხება საბურთალოს რაიონს: მტკვრის მარჯვენა სანაპიროს, გელოვანის გამზირის და ბროწეულის ქუჩის მცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.