დეკანოზი ანდრია ჯაღმაიძე - დაგროვდა ფაქტები, როდესაც სამართლებრივი ჩარევის შემდეგ ოჯახის მდგომარეობა ზოგიერთ შემთხვევაში უფრო დამძიმდა

ოჯახში არსებულ კონფლიქტებსა და მასთან დაკავშირებულ რეგულაციებზე დღეს სამების ტაძართან არსებულ ახალგაზრდულ ცენტრში მორიგი შეხვედრა გაიმართა.

შეხვედრას საკითხით დაინტერესებული სხვადასხვა სტრუქტურის, ასევე არასამთავრობო ორგანიზაციების წარმომადგენლები ესწრებოდნენ. შეხვედრაზე იმყოფებოდა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე, რომელიც საზოგადოებას საკანონმდებლო ინიციატივებზე ესაუბრა.

როგორც შეხვედრის დაწყებამდე ჟურნალისტებთან საუბრისას საპატრიარქოს პრესსამსახურის ხელმძღვანელმა, დეკანოზმა ანდრია ჯაღმაიძემ განაცხადა, უწმინდესის კურთხევით უკვე ერთი წელია შეხვედრები სხვადასხვა ინტენსივობით პრობლემატურ საკითხებზე იმართება. მისივე თქმით, ეკლესიაში დაგროვდა ფაქტები, როდესაც სამართლებრივი ჩარევის შემდეგ ოჯახის მდგომარეობა ზოგიერთ შემთხვევაში დამძიმდა კიდეც. ამიტომ, გაჩნდა აზრი, ხომ არ შეიძლება დამატებითი მექანიზმების შექმნა, რათა ყველა ის შემთხვევაა, რომელიც კონფლიქტთან თუ ოჯახში ძალადობასთან არის დაკავშირებული, სწორად იყოს იდენტიფიცირებული.

"არ მოხდეს მიღებული ზომების გადამეტება. გვაქვს კონკრეტული შემთხვევები, ოჯახის წევრი, რომელმაც განაცხადა მსგავსი კონფლიქტის შესახებ, უკვე ითხოვს აღსრულების დროს ოჯახის წევრზე მიღებული ზომების შემსუბუქებას. ბავშვები დარჩნენ მიუხედავი, ოჯახის მდგომარეობა დამძიმდა და სხვა. მიგვაჩნია, რომ კარგი იქნებოდა, თუ ამ საკითხის ირგვლივ განვითარებულ მოვლენებს გავაანალიზებდით", - განაცხადა მამა ანდრიამ.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში