საქართველოს ეროვნულმა ლატარიამ 17 მარტიდან დღემდე 14 000 000 ლარზე მეტი მოგება გასცა

საქართველოს ეროვნულმა ლატარიამ 2018 წლის 17 მარტიდან დღემდე 14 000 000 ლარზე მეტი მოგება გასცა.როგორც „ინტერპრესნიუსს“ ეროვნული ლატარიიდან აცნობეს, მაღალია მომენტალური ლატარიების საპრიზო ფონდიც, რაც 23 173 724 ლარს შეადგენს.

მათივე ინფორმაციით, მომენტალურ ლატარიაში ყოველი მე-5 ბილეთი მოგებიანია და ამ დროისთვის უკვე მოგებულია 189 ათასზე მეტი მომენტალური ლატარიის ბილეთი.

„მომენტალურ ლატარიაში უკვე გათამაშებულია მაქსიმალური - 50 000 და 20 000-ლარიანი მოგებები, თუმცა, დარჩენილი გათამაშებები საკუთარ იღბლიან მფლობელებს ელოდება. თქვენ, უბრალოდ, უნდა შეიძინოთ, გადაფხიკოთ და მოიგოთ“, - ნათქვამია ეროვნული ლატარიის მიერ გავრცელებულ ინფორმაციაში.