დავით მაღრაძე - მოსამართლეებად ის ხალხი შევარჩიოთ, ვისაც ცუდი საქმე ჩადენილი არ აქვს

ის ხალხი შევარჩიოთ, ვისაც ცუდი საქმე ჩადენილი არ აქვს, რა ალტერნატივა შეიძლება არსებობდეს იმისა, რომ მოსამართლე უნდა შეირჩეს სინდისისა და ერუდიციის ნიშნით, - ამის შესახებ პოეტმა დავით მაღრაძემ „პალიტრანიუსის“ გადაცემაში „360 გრადუსი“ მოსამართლეების უვადოდ დანიშვნასთან დაკავშირებით განაცხადა, სადაც გამოეხმაურა პარლამენტის თავმჯდომარის განცხადებას იმის შესახებ, რომ ვინც წინა ხელისუფლების დროს ცუდ რაღაცებს სჩადიოდა, ახლა კარგ რაღაცებს სჩადის.

„ის ხალხი შევარჩიოთ, ვისაც ცუდი საქმე ჩადენილი არ აქვს. რა საპირწონე, რა ალტერნატივა შეიძლება არსებობდეს იმისა, რომ მოსამართლე უნდა შეირჩეს საკუთარი სინდისის და ერუდიციის ნიშნით. მეტი უმთავრესი ნიშანი აქ რა არის? ამის საპირწონედ რა ლოგიკაა? აქ ყველა ანალიტიკა და ლოგიკა მკვდარია, ერთადერთი დემაგოგია ცოცხლდება, როცა უნდათ, რომ სიმახინჯე მშვენიერებად შეასაღონ საზოგადოებას“, - განაცხადა მაღრაძემ. მისივე თქმით, მას მოსამართლეების თავხედობა და უტიფრობა არ გაკვირვებია და აღშფოთებულია მმართველი პარტიის ნაწილის შემართებით.

იხილეთ ვიდეო