მსხვერპლი სანდროს მოსამართლე კი არა, მსხვერპლი სანდროა (გირგვლიანი), - ამის შესახებ პოეტმა დავით მაღრაძემ „პალიტრანიუსის“ გადაცემა „360 გრადუსში“ მოსამართლეების უვადოდ დანიშვნასთან დაკავშირებით განაცხადა, სადაც წინა ხელისუფლებაზეც ისაუბრა.

„მაშინ ბევრად უფრო სარისკო იყო ბრძოლა, ვიდრე ახლა. ძალიან მნიშვნელოვანი დაზიანებები მიიღო ხალხმა, ფიზიკური, სულიერი, მორალური. მაშინდელი ხელისუფლების ტრადიცია იყო, რომ ადამიანებს უსწორდებოდა. რითაც უსწორდებოდა, ერთ-ერთი მათგანია ის ხალხი, ვინც წარმოდგენილია ამ სიაში. მე არ ვიღებ იმას, რომ ეს ხალხი მსხვერპლია. მსხვერპლი სანდროს მოსამართლე კი არა, მსხვერპლი სანდროა. ის მოსამართლე კი არის რეჟიმის ნაწილი, შემსრულებელი კი არა - აღმსრულებელიც. ეს ერთი გუნდი იყო, ერთი მოტივაციით მოქმედებდნენ. ადამიანის გამწარებასა და დასახიჩრებაში გემოს ატანდა ეს ხალხი, რომელიც დღეს მსხვერპლის სახითაა“, - განაცხადა მაღრაძემ.

იხილეთ ვიდეო