საქართველოში ამინდი გაუარესდა

დღეს, საქართველოს ტერიტორიის უმეტეს ნაწილში იწვიმებს, მაღალ მთაში მოთოვს. გარემოს ეროვნული სააგენტოს ინფორმაციით, ჰაერის ტემპერატურა დასავლეთ საქართველოს დაბლობში +8, +13 გრადუსია მოსალოდნელი, ხოლო აღმოსავლეთ საქართველოს ბარში +4, +9 გრადუსამდე დაიკლებს.

10-11 თებერვალს შედარებით გამოიდარებს. ჰაერის ტემპერატურა დაბლობსა და ბარში +8, +13 გრადუსის ფარგლებში დაფიქსირდება.

თბილისში, დღეს, შედარებით ცივი, ღრუბლიანი და წვიმიანი ამინდი იქნება. ჰაერის ტემპერატურა დღის საათებში +4, +6 გრადუსამდე დაიკლებს. 10-11 თებარვალს შესაძლოა, მცირე წვიმა. ტემპერატურა +8, +10 გრადუსამდე მოიმატებს.

იხილეთ ვიდეო: რომელ თებერვალს გამოიდარებს მთელ საქართველოში? - გაეცანით, მომდევნო დღეების დეტალურ პროგნოზს