საქართველოს მორაგბეთა ეროვნული ნაკრები რუმინეთთან პირველ ტაიმში დამარცხდა

საქართველოს მორაგბეთა ეროვნული ნაკრები რუმინეთის ქალაქ კლუჟში ევროპის ჩემპიონატის პირველი ტურის მატჩს მართავს. პირველი ტაიმის შემდეგ „ბორჯღალოსნები“ მასპინძლებთან ანგარიშით 6:3 დამარცხდნენ.

საქართველოს ნაკრების შემადგენლობაში თავი 19 წლის თედო აბჟანდაძემ გამოიჩინა, რომელმაც მატჩის 39-ე წუთზე „ბორჯღალოსნებს“ ჯარიმით 3 ქულა მოუტანა. აღსანიშნავია, რომ რუმინეთის ნაკრებთან მატჩში ანთიმოზ ივერიელის სახელობის გარდამავალი თასიც გათამაშდება.