მიხეილ ბატიაშვილი ია კერზაიას გარდაცვალების საქმეზე - რაც უფრო სწრაფად გაეცემა პასუხი კითხვებს, როგორც ოჯახისთვის, მთელი სისტემისთვის მნიშვნელოვანია

ჩვენ ნებისმიერ მხარესთან ვთანამშრომლობთ. რაც უფრო მეტი მხარე დაინტერესდება, რაც უფრო სწრაფად გაეცემა პასუხი კითხვებს, როგორც ოჯახისთვის, მთელი სისტემისთვის ძალიან მნიშვნელოვანია, - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა ტელეკომპანია „იმედის“ ეთერში ზუგდიდის მე-6 საჯარო სკოლის ყოფილი დირექტორის ია კერზაიას გარდაცვალების საკითხზე დასმული კითხვის საპასუხოდ განაცხადა.

როგორც ბატიაშვილი განმარტავს, სამინისტრო საგამოძიებო უწყებებასთან თანამშრომლობას აგრძელებს. მისივე განცხადებით, განათლებაში პოლიტიკა უნდა დასრულდეს.

„ვპასუხობთ კითხვებს, ნებისმიერ ინფორმაციას ვაწვდით, მზად ვართ ეს გავაგრძელოთ. პოლიტიკა ნამდვილად უნდა დასრულდეს განათლებაში. ეს მანკიერი პრაქტიკა, რომელიც წლების წინ არსებობდა, ყველაფერი უნდა გავაკეთოთ, რომ ეს ასე არ იყოს“, - აცხადებს ბატიაშვილი.

ზუგდიდის მეექვსე სკოლის დირექტორი ია კერზაია 2018 წლის 9 დეკემბერს გარდაიცვალა. კერზაიას შვილი ბაჩანა შენგელია დედის ჯანმრთელობის მდგომარეობის გაუარესებას მასზე განხორციელებულ პოლიტიკურ ზეწოლას უკავშირებდა, რომელსაც, მისი მტკიცებით, კერზაია ხელისუფლებისგან განიცდიდა.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ