თბილისში საერთაშორისო კონფერენცია “პარლამენტის როლი უსაფრთხოების სექტორში“ გაიმართება

11-12 თებერვალს, საერთაშორისო კონფერენცია “პარლამენტის როლი უსაფრთხოების სექტორში“ გაიმართება, რომელსაც საქართველოს პარლამენტის თავმჯდომარე ირაკლი კობახიძე გახსნის. დამსწრეებს მისასალმებელი სიტყვით მიმართავს ევროკავშირის ელჩი საქართველოში კარლ ჰარცელი.

მონაწილეები საქართველოს წინაშე უსაფრთხოების მხრივ არსებულ ახალ გამოწვევებზე იმსჯელებენ და ქვეყნის უსაფრთხოების სექტორზე საპარლამენტო ზედამხედველობის გაუმჯობესების გზებს განიხილავენ.

ორგანიზატორთა ცნობით, პარლამენტის წევრები მოისმენენ ექსპერტთა მოსაზრებებს საკითხთა ფართო სპექტრის შესახებ, მათ შორის ჰიბრიდული ომის, კიბერუსაფრთხოების, რადიკალიზების, მიგრაციის, ქალებისა და უსაფრთხოების, სახელმწიფო საიდუმლოებისა და სადაზვერვო სააგენტოების საქმიანობის მონიტორინგთან დაკავშირებით არსებულ გამომოწვევებზე.

კონფერენციაში მონაწილეობას საქართველოს პარლამენტის საგარეო ურთიერთობათა, თავდაცვისა და უსაფრთხოების, იურიდიულ საკითხთა, ადამიანის უფლებათა დაცვისა და სამოქალაქო ინტეგრაციის კომიტეტების წევრები და აპარატის თანამშრომლები, ნორვეგიის ყოფილი საგარეო საქმეთა მინისტრი, ელჩი კნუტ ვოლებეკი, აშშ-ის სამხედრო ძალების ევროპული სარდლობის საზღვაო დაზვერვისა და ეროვნული უსაფრთხოების ოპერაციების ცენტრის ყოფილი დირექტორი, კონტრადმირალი ნორმან ჰეიზი, არასამთავრობო ორგანიზაციების, კვლევითი ინსტიტუტებისა და აკადემიური სფეროს წარმომადგენლები მიიღებენ.

საერთაშორისო კონფერენცია ევროკავშირის მიერ დაფინანსებული პროექტის - “ევროკავშირის მიერ საქართველოში უსაფრთხოების სექტორზე საპარლამენტო ზედამხედველობის გაძლიერების ხელშეწყობის“ მხარდაჭერით გაიმართება.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს