მადრიდის საერთაშორისო ტურისტულ გამოფენაზე FITUR 2019 ტელეკომპანია Eurosport-მა საქართველოს ტურისტული მიმართულების შესახებ სიუჟეტი მოამზადა.
როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, მოკლე რეპორტაჟში ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ბრენდის განვითარების სამმართველოს ხელმძღვანელმა, საქართველოს ტურისტული პოტენციალის, მრავალფეროვანი ბუნების, სპორტული ტურიზმის და სამთო კურორტების შესახებ ისაუბრა.
ცნობისთვის, Eurosport მსოფლიოს 54 ქვეყანაში 20 ენაზე მაუწყებლობს.