იუსტიციის უმაღლესი საბჭოს მოსამართლე წევრი 9 დეპუტატის მიერ წარდგენილ კანონპროექტს ფარსს უწოდებს

თბილისის საქალაქო სასამართლოში იუსტიციის უმაღლესი საბჭოს გასვლითი სხდომა მიმდინარეობს. საბჭოს დღევანდელ სხდომას საქალაქო და სააპელაციო სასამართლოს მოსამართლეები ესწრებიან. სხდომაზე, რომელსაც 150-მდე მოსამართლე ესწრება, პარლამენტის ცხრა დეპუტატის მიერ წარდგენილი კანონპროექტი განიხილება, რომელიც მოსამართლეთა უვადოდ დანიშვნის წესის შეჩერებას გულისხმობს.

აღნიშნულ კანონპროექტს სხდომაზე ფარსი უწოდა იუსტიციის უმაღლესი საბჭოს მოსამართლე წევრმა ირაკლი შენგელიამ. მისი თქმით, კანონპროექტს, რომლითაც დეპუტატები მოსამართლეთა უვადოდ დანიშვნის შეჩერებას ითხოვენ, დასაბუთება აკლია.

„არგუმენტი და დასაბუთება ეს ყველაფერი არის ფარსი. სისტემას ნუ დავაზარალებთ. ჩვენ არ ვართ ის ხალხი, რომლებიც სკამებს ებღაუჭებიან. ვარ საბჭოს წევრი, რომელიც ვალდებულია დაიცვას თითოეული მოსამართლე. მე თქვენ დაგიცავთ. მჯერა, რომ ჩვენ სწორი გზით მივდივართ“, - განაცხადა ირაკლი შენგელიამ.

შეგახსენებთ, რომ პარლამენტის ბიუროს 11 თებერვლის სხდომაზე „საერთო სასამართლოების შესახებ“ ორგანულ კანონში ცვლილებები წარედგინება, რომელიც 2024 წლის 31 დეკემბრამდე საქალაქო და სააპელაციო სასამართლოებში მოსამართლეთა უვადოდ გამწესების შეჩერებას ითვალისწინებს.

საკანონმდებლო ინიციატივას პარლამენტის ცხრა წევრი: ეკა ბესელია, გედევან ფოფხაძე, ლევან გოგიჩაიშვილი, ოთარ ჩრდილელი, ალექსანდრე ერქვანია, ზვიად კვაჭანტირაძე, კობა ნარჩემაშვილი, დავით ჭიჭინაძე და ლევან კობერიძე აწერენ ხელს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს